Nərmin Quliyeva, Türkiyənin Ondokuz Mayıs Universitetində Psixologiya üzrə bakalavr, İngiltərənin London South Bank Universitetində Ruh Sağlığı və Klinik Psixologiya üzrə magistr təhsili almış psixoterapevtdir. Beynəlxalq təhsil və klinik təcrübəsi onun fərqli müraciətçi qrupları ilə işləmək bacarığını formalaşdırmışdır.
Türkiyə və İngiltərədə müxtəlif klinik və psixoloji mərkəzlərdə fəaliyyət göstərərək həm yetkinlər, həm də yeniyetmələrlə işləmə təcrübəsi qazanmışdır. Fəaliyyəti çərçivəsində fərdi və qrup terapiyaları aparmış, xüsusilə təşviş, travma, münasibət dinamikaları və emosional tənzimləmə sahələrində dərinləşmişdir.
Eyni zamanda klinik qiymətləndirmə, kriz müdaxiləsi və psixososial dəstək sahəsində praktiki təcrübəyə malikdir. Terapiya prosesində çətin emosional vəziyyətlərlə strukturlaşdırılmış və təhlükəsiz şəkildə işləməyi əsas götürür.
Nərmin Quliyeva, terapiya istifadəçilərininin şikayətlərini yalnız simptom səviyyəsində deyil, daha geniş həyat kontekstində anlamağa çalışır. Bu yanaşma psixoterapiya prosesində daha humanistik və empatik mühitin yaranmasına, həm də dəyişimin daha davamlı və real olmasına şərait yaradır.
Onun peşəkar məqsədi, beynəlxalq təcrübədə tətbiq edilən standartları tətbiq edərək, müraciət edən şəxslərin özlərini daha dərindən anlamalarına, emosional dayanıqlıqlarını artırmalarına və həyatlarında daha funksional dəyişikliklər etmələrinə dəstək olmaqdır.
İşlədiyi sahələr
- Təşviş pozuntuları
- Spesifik fobiyalar
- Panik pozuntu
- Sosial təşviş pozuntusu
- Obsesiv-kompulsiv və əlaqəli pozuntular
- Depressiv pozuntular
- Qidalanma pozuntuları
- Posttravmatik stress pozuntusu
- Yas və itki ilə bağlı çətinliklər
- Adaptasiya çətinlikləri
- Akademik stress və performansla bağlı narahatlıqlar
- Ünsiyyət bacarıqları ilə bağlı çətinliklər
- Münasibətlər və bağlanma ilə bağlı çətinliklər
- Emosional tənzimləmə çətinlikləri
- Özünədəyər və özünəinamla bağlı çətinliklər
Terapiya metodları
- Koqnitiv Davranış Terapiyası
- Sxem (Şema) terapiya
- Yas və kriz konsultasiyası
İşlədiyi yaş qrupu
18 yaşdan yuxarı yetkin fərdlər
Terapiyaya yanaşma
“Terapiyada eklektik yanaşmadan istifadə edirəm və müxtəlif metodları insanın ehtiyaclarına uyğun şəkildə birləşdirirəm. Diqqətimi yalnız diaqnoza deyil, çətinliklərin altında yatan psixoloji proseslərə yönəldirəm. Elmi əsaslı yanaşmalara üstünlük verir, terapiya prosesini hər bir fərd üçün uyğun və fərdiləşdirilmiş şəkildə qururam. Mənim üçün əsas olan, insanın özünü təhlükəsiz, qəbul edilmiş və rahat hiss etdiyi bir mühit yaratmaqdır.”