Mayak Staj Proqramı 2 — Nəzəri Bilikdən Praktik Təcrübəyə
Mayak Kliniki Psixologiya Mərkəzi tərəfindən təşkil olunan “MAYAK Staj Proqramı 2” psixologiya sahəsində nəzəri biliklərini praktik bacarıqlarla möhkəmləndirmək və peşəkar inkişafını dəstəkləmək istəyən iştirakçılar üçün nəzərdə tutulmuşdur.
Ümumilikdə 55 saatlıq tədris proqramı 9 təlim oturumu və 3 superviziya günündən ibarətdir. Proqram Böyük Britaniya, İtaliya və Türkiyədə təhsil almış və peşəkar fəaliyyət təcrübəsi qazanmış üç mütəxəssis tərəfindən həyata keçirilir.
Staj proqramının əsas məqsədi iştirakçıların nəzəri biliklərini praktik situasiyalarda tətbiq etmələrinə, terapevtik proses haqqında daha ətraflı təsəvvür formalaşdırmalarına və peşəkar kompetensiyalarını inkişaf etdirmələrinə şərait yaratmaqdır.
Proqramın məzmunu və üstünlükləri
Beynəlxalq təcrübəyə əsaslanan tədris
Böyük Britaniya, İtaliya və Türkiyədə təhsil və peşəkar təcrübə qazanmış mütəxəssislər tərəfindən keçirilən təlimlər.
Praktik yönümlü öyrənmə
Əvvəlcədən videoqeydə alınmış simulyasiya seanslarının təhlili, canlı rol oyunları (role-play) və praktik tapşırıqlar vasitəsilə biliklərin möhkəmləndirilməsi.
Superviziya dəstəyi
Üç superviziya günü çərçivəsində klinik situasiyaların müzakirəsi, peşəkar yanaşmaların təhlili və iştirakçıların praktik bacarıqlarının dəstəklənməsi.
Tədris materialları ilə təminat
Proqram müddətində istifadə olunan bütün tədris materiallarının iştirakçılara təqdim edilməsi.
Peşəkar əlaqələrin qurulması
Təlim günlərində təşkil olunan coffee break və networking imkanları vasitəsilə iştirakçılar arasında təcrübə və fikir mübadiləsinin təşviqi.
Sertifikatlaşdırma
Proqramın sonunda iştirakçılara Mayak Kliniki Psixologiya Mərkəzi tərəfindən rəsmi sertifikatın təqdim olunması.
Proqramın formatı
Tədrisin keyfiyyətini qorumaq, interaktiv müzakirələri təşviq etmək və hər bir iştirakçıya fərdi yanaşmanı təmin etmək məqsədilə proqram üzrə yerlər 13 iştirakçı ilə məhdudlaşdırılmışdır.
Proqrama həm əyani, həm də onlayn formatda qoşulmaq mümkündür.
Proqram haqqında məlumat
Ümumi müddət: 55 saat
Təlim oturumları: 9
Superviziya günləri: 3
Başlanğıc tarixi: 20 sentyabr 2026
Təlim günləri: Həftəsonları, saat 10:00
İştirak formatı: Əyani və onlayn
İştirakçı sayı: Maksimum 13 nəfər
Ünvan: Bakı, Ağ Şəhər, Xəqani Rüstəmov küçəsi 8, AQP İnşaat, mənzil 16
